19 avg 20:04
Yangiliklar

Sport kurashlari, Osiyo o'yinlari

Osiyo o'yinlari-2018. Ilk oltin muborak! Abdurahmonov chempion+FOTO!

Indoneziyaning Jakarta shahrida o'tkazilayotgan 18-Osiyo o'yinlari doirasidagi erkin kurash musobaqasi tobora qizg'in pallaga kirib boryapti.

Hozirgina -74 kg vazn toifasida bo'lib o'tgan final uchrashuvida hamyurtimiz Bekzod Abdurahmonov oltin medalni qo'lga kiritdi. Abdurahmonov qozog'istonlik Daniyar Kaisanovga qarshi gilamga chiqdi.

Murosasiz uchrashuvda Bekzod raqibini 3:2 hisobida mag'lub etib, O'zbekiston terma jamoasi delegaciyasi hisobiga Osiyo o'yinlaridagi dastlabki oltin medalni taqdim etdi.

Qayd etib o'tish lozimki, ushbu chempionlik Abdurahmonov uchun Osiyo o'yinlaridagi ikkinchi g'alaba hisoblanadi. Bungacha u 2014 yilda ham shohsupaning eng yuqori pog'onasidan o'rin olishga muvaffaq bo'lgandi.

Etiborlisi, to'rt yil oldin ham aynan Bekzod delegaciyamizga ilk oltin medalni taqdim etgandi.