Osiyo o'yinlari-2018. Medal jamg'arish bo'yicha 10-o'rindamiz, Xitoyning medallari 140taga etdi! (to'liq jadval)

Kecha musobaqaning oltinchi kungi bahslarida O'zbekiston terma jamoasi azolari 2ta kumush medalni qo'lga kiritishdi. Bugungi bahslar oldidan terma jamoamiz medallar jamg'arish bo'yicha jami 21ta medal bilan jadvalda 10-o'rinni egallab turibdi. Jamoamiz hisobida 4ta oltin, 10ta kumush, 7ta bronza, jami 21ta medal bor. 

Qozog'iston terma jamoasi 3ta oltin, 7ta kumush, 24ta bronza, jami 34ta medalga ega bo'lib turibdi. Yon qo'shnilarimiz umumjamoa hisobida 11-pog'onadan joy olishgan. Kecha Lyucenko velosport musobaqasida Qozog'iston terma jamoasiga uchinchi oltin medalni taqdim etdi. 

SHu kungacha jami roppa-rosa 140ta medalni qo'lga kiritib ulgurgan Xitoy terma jamoasi katta farq bilan medallar jamg'arish bo'yicha birinchi o'rinni egallab turibdi. CHin yurti vakillari 66ta oltin, 46ta kumush, 28ta bronza medali bilan taqdirlanishgan. 

Kuchli uchlikda Yaponiya va Janubiy Koreya terma jamoalari joylashishgan. O'ttiz bitta davlat sportchilariga kamida bitta medal olish nasib qilgan. Yigirma to'rtta mamlakat terma jamoalari hisobida esa kamida bir nafar Osiyo o'yinlari-2018 chempioni bor.   

Kamoliddin Alimov (Palembang, Indoneziya)