Osiyo o'yinlari. O'zbekiston o'z yurishini boshladi: akademik eshkak eshishning uchta yo'nalishidan ikkitasida final masalasi hal etildi

Xabar berganimizdek, bugungi kun doirasida vakillarimiz akademik eshkak eshish va zamonaviy beshkurashning qilichbozlik yo'nalishida bahslarga kirishmoqda.

Hozirgacha, akademik eshkak eshishning uchta yo'nalishi bo'yicha saralash bahslarida ishtirok etgan sportchilarimiz ikkita yo'nalishda to'g'ridan-to'g'ri finalga chiqish masalasini hal etdi:

Ayni damgacha qayd etilgan natijalar:

1. Akademik eshkak eshish, engil vaznli ayollar juftligi. Luizaxon Islomova, Malika Tagmatova - 7 daqiqa, 1,80 soniya. (2-natija) - O'tish bosqichida ishtirok etadi.

2. Akademik eshkak eshish, engil vaznli erkaklar juftligi. SHahzod Nurmatov, Sobirjon Safaroliev - 6 daqiqa, 20 soniya. (1-natija) - A finaliga yo'l oldi.

3. Akademik eshkak eshish, erkaklar, juftlik. SHahboz Xolmurzaev, Mehrojbek Mamatqulov - 6 daqiqa, 16,35 soniya. (1-natija) - A finaliga yo'l oldi.