Osiyo velosport konfederaciyasi prezidenti Toshkentdagi qita chempionatiga tayyorgarlik jarayoni bilan tanishdi

Mazkur nufuzli musobaqaga tayyorgarlik jarayonini ko'zdan kechirish maqsadida yurtimizga Osiyo velosport konfederaciyasi (ASS) prezidenti Osama Ahmad Abdulla Al SHafar, vice-prezident Amardjit Singx, bosh kotib Onkara Singxlar tashrif buyurdilar.

Osama Ahmad Abdulla Al SHafar boshchiligidagi delegaciya 2019 yilning 22-28 aprel kunlari O'zbekistonda bo'lib o'tadigan Osiyo chempionatiga olib borilayotgan tayyorgarlik, shuningdek, bahslar o'tkaziladigan "yo'l xaritasi"ni ko'zdan kechirishdi. Bundan tashqari, 2019 yilgi Osiyo chempionati tashkiliy qo'mitasi direktori Xofer Roland hamda direktor yordamchisi Neumann Andre, Xalqaro velosipedchilar ittifoqi vakili (UCI) Farxod Aliev musobaqa bo'lib o'tadigan joyga tashrif buyurib, avtomagistral yo'llarning holati, mehmonxonalarni ko'rishdi.

Qayd etish lozimki, yurtimizda ilk marotaba o'tkaziladigan ushbu Osiyo chempionatida Tokio 2020 Olimpiadasiga licenziyalar o'ynaladi. Musobaqada qitamizning 40 ga yaqin mamlakatidan 600 nafardan ziyod velosportchi ishtirok etishi kutilmoqda. Osiyo chempionati jahonga mashhur "Evrosport" telekanali orqali to'g'ridan-to'g'ri translyaciya qilinishi ham rejalashtirilgan.

SHuningdek, "Milliy" stadionida Osiyo velosport konfederaciyasi mutasaddilari ishtirokida ijroqo'm yig'ilishi tashkil qilindi. Unda O'zbekiston velosiped sporti federaciyasi bosh kotibi Kozim O'rinboyxo'jaev ham ishtirok etdi. Yig'ilish davomida Osiyo chempionatiga tayyorgarlik darajasi, musobaqa bo'lib o'tadigan avtomagistral yo'llarning holati, amalga oshirilishi lozim bo'lgan ishlar muhokama qilinib, takliflar berildi.

Bundan tashqari, Osiyo velosport konfederaciyasi (ASS) hamda "UzReport TV" telekanali o'rtasida O'zbekistonda o'tkaziladigan Osiyo chempionatini yoritish xuquqini beruvchi kelishuv imzolandi.