Otabek Xolmatov: "O'zbekistonga jahon chempionligi kamarini olib kelaman, In SHa Alloh!"

Avvalroq, WBA tashkiloti chempion Li Vud hamda majburiy davogar Otabek Xolmatov o'rtasidagi chempionlik jangiga rasman buyruq bergan edi.

"Assalomu alaykum yurtdoshlar! In SHa Alloh ayni damda AQSHga viza olish ishlari amalga oshirilyapti. SHunday bo'lishiga qaramasdan, o'z uyimda bo'lsam ham bo'lajak raqibimga qarshi tayyorgarlikni boshlab yuborganman."

— Sparring jarayonlarini kim bilan olib borasiz?

"Xudo xohlasa, viza olib, Amerikaga borganimdan so'ng aniq bo'ladi sparring-sherigim. Tayyorgarliklarni juda yaxshi qilib, O'zbekistonga jahon chempionligi kamarini olib kelaman, In SHa Alloh!

— Li Vud haqida qanday fikrdasiz? Uning Lara bilan jangini ko'rdingizmi?

"Li Vudning janglarini ko'rib chiqdim. To'g'risini aytsam, vaznimda qanday yigitlar bo'lsa, men ular uchun doim mehnat qilaman, men ularga tayyorman. Xudo xohlasa, g'alaba O'zbekistonimizniki bo'ladi. Yurtdoshlar duo qilib turinglar, sizlarning qo'llab-quvvatlashlaringiz bizga doim g'alabalar keltiradi. Hammaga katta rahmat!"