15 iyu 19:52
Yangiliklar

Boks/MMA, Taekvondo

O'zbek sportida o'zgarishlar davom etadi: Rio Olimpiadasining "front ortidagi" qahramonlaridan biri katta sportga qaytmoqda

Avvalroq, O'zbekiston taekvondo WTF associaciyasi raisi Ahmadjon Rahimov o'z lavozimini tark etishi haqida xabar qilgandik.

Olamsport.com saytiga malum bo'lishicha, endi O'zbekiston taekvondo WTF associaciyasi rahbari lavozimida SHerzod Toshmatov ish boshlaydi.

Qayd etish lozimki, SHerzod Toshmatov uzoq yillar davomida (2019 yilning fevral oyiga qadar) O'zbekiston boks federaciyasi raisining birinchi o'rinbosari sifatida faoliyat olib borgan. Aynan uning qo'l ostida bokschilarimiz Rio Olimpiadasida sensacion ravishda birinchi o'rinni qo'lga kiritishgan. SHuningdek, 2017 yilgi Osiyo chempionati (10 ta imkoniyatdan 9 ta oltin), 2018 yilgi Osiyo o'yinlarida (7 ta imkoniyatdan 7 ta medal) gi muvaffaqiyatli ishtirok ham aynan shu insonning qo'l ostida sodir bo'lgan.

Umid qilamizki, SHerzod Rixsibaevichning ushbu zafarli yurishi taekvondoda ham davom etadi.