O'zbekiston Davis Cup - Group III turniridagi ishtirokini boshlash arafasida

Unda Dmitriy Tomosheevich sardorligidagi O'zbekiston terma jamoasi ham ishtirok etadi. Tajribali mutaxassis Petr Lebed jamoa bosh murabbiyi sifatida Malayziyaga yo'l olgan. Guruh bosqichida vakillarimiz Singapur, Filippin va Iordaniya terma jamoalariga qarshi kortga chiqadi. Bizning vaqt bilan ertaga tonggi soat 07:00da Singapurga qarshi uchrashuv boshlanadi. 

Terma jamoamiz tarkibidan Sergey Fomin, Amir Milushev, Abdulaziz Usmonjonov va Damir Abdusamadov joy olgan. Mamlakatimizning ikkinchi raketkasi Humoyun Sultonov bu safar tarkibga jalb etilmagan.   

Taqqoslash uchun, O'zbekiston ayni paytda Jahon reytingida 68, Singapur esa 89-o'rinni egallab turibdi. Birinchi raketkamiz Sergey Fomin ATP reytingida 295, Singapurning birinchi raqamli tennischisi Bill CHen 1373-o'rinni band etgan. 

Malumot uchun, terma jamoamiz Devis Kubogida Nigeriya, Gonkong, Bosniya va Gercegoviniyadan qabul qilib olingan ketma-ket uchta mag'lubiyatdan keyin Osiyo-Okeaniya mintaqasida uchinchi guruhga tushib ketdi. So'nggi g'alabamiz 2024 yil sentyabr oyida Estoniyaga qarshi uchrashuvda qo'lga kiritilgan edi.