O'zbekiston davlat jismoniy tarbiya va sport universiteti kunchiqar mamlakat nigohida

Mehmonlar orasida “So-innovation laboratory” tashkiloti ijrochi direktori janob Daysuko Xashimoto, Yaponiya Takkyu-volley federaciyasi vice-prezidenti va targ'ibot qo'mitasi raisi janob Yuji Xorikava hamda JAYKAning O'zbekistondagi vakolatxonasi loyihalar koordinatori Farhod Qurbonov ham bor edi. Mehmonlarni universitet rektori, professor Mahmudjon Boltaboev kutib oldi. Dastavval mehmonlar universitetda talabalar uchun yaratilgan shart-sharoitlar bilan tanishtirildi.

SHundan so'ng 2019 yil 21 noyabrdan 2 dekabrgacha “Imkoniyati cheklangan insonlarni sport bilan shug'ullanish orqali ijtimoiy moslashuvini qo'llab-quvvatlash” mavzusida seminar-trening o'tkazish va tashkilot rahbarlari bilan hamkorlik aloqalarini o'rnatish yuzasidan uchrashuv o'tkazildi. Uchrashuvda “Imkoniyati cheklangan insonlarni sport orqali ijtimoiy qo'llab-quvvatlashni tashviqot qilish” bo'yicha o'zaro hamkorlik aloqalarini yo'lga qo'yish hamda seminar-trening mashg'ulotlarini o'tkazishdagi tashkiliy masalalar muhokama qilindi.

Kunning ikkinchi yarmida talabalarga yaponiyalik mutaxassislar tomonidan Takkyu-volley sport turi bo'yicha master-klass tashkil etildi.

Eslatib o'tamiz, ushbu seminar-trening mashg'ulotlari 3 kun davomida, 25 noyabr kuni O'zbekiston davlat jismoniy tarbiya va sport universitetida, keyingi seminar-trening mashg'ulotlari esa 26-27 noyabr kunlari Jismoniy tarbiya va sport bo'yicha mutaxassislarni ilmiy-metodik taminlash, qayta tayyorlash va malakasini oshirish markazida o'tkazilishi rejalashtirilgan.