O'zbekiston delegaciyasi Parij-2024 yozgi Olimpiadasi uchun navbatdagi yo'llanmani qo'lga kiritdi

Ushbu mundialda O'zbekiston vakili Igor Myalin 10 metr balandlikdan suvga sakrash musobaqasida final bosqichiga chiqib, “Parij-2024” olimpiya o'yinlarining yo'llanmasini ham qo'lga kiritdi. Bu haqda suv sporti federaciyasi matbuot xizmati xabar bermoqda.

"Bugun bo'lib o'tgan yarim final musobaqasida Igorning chiqishi 415.80 ball bilan baholandi va sportchimiz hal qiluvchi final bosqichiga chiqqan 12 nafar sportchi orasida 7-natijaga erishdi. 

Reglamentga ko'ra, 10 metr balandlikdan suvga sakrash musobaqasida final bosqichiga chiqqan 12 nafar sportchi “Parij-2024” olimpiya o'yinlariga yo'llanmani naqd qilib qo'yadi.  

Demak, final musobaqasida medallar uchun kurashni davom ettiradigan hamyurtimiz Igor Myalin bir vaqtning o'zida Olimpiya o'yinlariga yo'llanmani ham qo'lga kiritdi. Final bahslari bugun kechki dasturdan o'rin olgan. 

O'zbekiston suzish federaciyasi Igor Myalin va uning murabbiylarini “Parij-2024” olimpiya o'yinlariga licenziyani qo'lga kiritgani bilan muborakbod etadi", - deyiladi xabarda.

Malumot uchun, bu O'zbekiston delegaciyasining Parij-2024 Olimpiadasi uchun 18-licenziyasi bo'ldi.

SHuningdek, bu O'zbekiston uchun suvga sakrash bahslarida Olimpiya o'yinlariga qo'lga kiritilgan ilk licenziya bo'lganini takidlash lozim.