O'zbekiston delegaciyasining o'z tarixidagi eng katta tarkib bilan qatnashadigan qishki Osiyo o'yinlariga tayyorgarligi OAV nigohida

Milliy Olimpiya qo'mitasida O'zbekiston delegaciyasining ushbu musobaqadagi ishtirokiga bag'ishlangan matbuot anjumani tashkil etildi. 

Unda Sport vazirining o'rinbosari SHahrullo Mahmudov, MOQ raisining o'rinbosari, O'zbekiston delegaciyasisining musobaqadagi missiya rahbari SHerzod Tashmatov OAV vakillarining savollariga javob berishdi.

Tadbir avvalida SH.Mahmudov hukumatimiz tomonidan terma jamoalarimizning bo'lajak O'yinlarga tayyorgarligi to'la qo'llab-quvvatlangani, musobaqa orqali Milan-Kortina-2026 qishki Olimpiya o'yinlariga yo'llanma olishi mumkin bo'lgan sportchilarimizning imkoniyatlari ko'zdan kechirilishini takidladi. SHuningdek, SH.Tashmatov delegaciyamiz qatnashadigan sport turlari, har bir atletimiz haqida batafsil to'xtalib o'tdi.

Anjuman davomida OAV vakillari o'zlarini qiziqtirgan boshqa savollariga atroflicha javob olishdi.