O'zbekiston dzyudo federaciyasi va FILJKAM o'rtasida shartnoma imzolandi

Ushbu hamkorlik shartnomasining tamal toshi O'zbekiston Milliy olimpiya qo'mitasi vice-prezidenti, O'zbekiston dzyudo federaciyasi raisi Azizjon Kamilovning Italiyaga tashrifi chog'ida qo'yilgan edi. O'shanda A.Kamilov Rim shahrida Italiya yakkakurash sport turlari (FILJKAM) va dzyudo federaciyalari prezidenti Domeniko Falkoni, bosh kotib Massimiliano Benuchchi, texnik direktor Kiyoshi Murakami, Italiya kurash (o'zbek kurashi) federaciyasi prezidenti Vittorio Jorji bilan ikki tomonlama hamkorlik yuzasidan uchrashuv o'tkazgan edi. 

Ushbu o'zaro hamkorlik rishtalari rasman, qonuniy jihatdan kuchga kirdi. Har ikki federaciya rahbarlari koronavirus pandemiyasi sabab shartnomaga masofadan turib imzo chekishdi. 

Kelishuvga ko'ra O'zbekiston va Italiya dzyudo federaciyalari o'rtasida keng qamrovda hamkorlik olib boriladi. Jumladan, imzolangan hujjatda har ikki davlat asosiy tarkib terma jamoalarining qo'shma yig'inlarini Toshkent va Rimda o'tkazish, sport tibbiyoti va farmakologiya, dopingga qarshi kurashish sohalarida birgalikda ishlash, ikki mamlakat murabbiy va hakamlari uchun qo'shma seminarlar tashkil etish kabi masalalarni alohida takidlash o'rinli bo'ladi.