O'zbekiston gandbol federaciyasi rahbariyatida o'zgarish bo'ldi

Unda federaciyaga yangi rahbar saylandi va Los-Anjeles-2028 yozgi Olimpiya o'yinlariga tayyorgarlik rejasi ko'rib chiqildi.

Bo'lajak Olimpiya o'yinlariga jamoaviy sport turlarida ko'proq licenziya olish O'zbekiston delegaciyasi oldidagi ustuvor vazifalardan sanaladi. SHu bois, mazkur yo'nalishdagi sport federaciyalarining faoliyatini jonlantirish talab etilardi.

Tadbirda “Navoiy kon-metallurgiya kombinati”ning bosh direktori, O'zbekiston Qahramoni Sanoqulov Quvondiq Sanoqulovich nomzodi O'zbekiston gandbol federaciyasi raisi lavozimiga ilgari surildi. O'z navbatida, Sport vaziri Adham Ikramov sport sohasida ham ulkan tajribaga ega bo'lgan, bir necha yillar davomida mamlakat suzish federaciyasi raisi lavozimida faoliyat olib borgan Quvondiq Sanoqulovich haqida iliq fikrlar bildirib o'tdi. Delegatlar ushbu nomzodni bir ovozdan maqullashdi va Q.Sanoqulov mamlakat gandbol federaciyasi raisi lavozimiga saylandi.

Yig'ilish davomida O'zbekiston gandbol federaciyasining Los-Anjeles-2028 yozgi Olimpiya o'yinlariga tayyorgarlik rejasi atroflicha ko'rib chiqildi. Unda rasmiylar bo'lajak Olimpiya o'yinlarida jamoaviy sport turlarida ham yo'llanma olish muhim ekani, buning uchun barcha terma jamoalarimizga kerakli sharoitlar yaratib berilishi haqida to'xtalib o'tishdi. Taqdimotda erkaklar va ayollar terma jamoalarimizning bu boradagi imkoniyatlari o'rganildi.