O'zbekiston gandbol federaciyasida 2019 yil sarhisob qilindi

Unda gandbol federaciyasining barcha hududiy bo'limlari rahbarlari, erkaklar va ayollar milliy terma jamoalarining murabbiylari hamda sport faxriylari ishtirok etishdi.

Yig'ilishda dastlab gandbol sportini rivojlantirish borasida 2019 yilda amalga oshirilgan ishlar hisoboti tinglandi. SHuningdek, yig'ilishda 2020 yilgi sport mavsumida O'zbekiston chempionati va kubogi musobaqalarida ishtirok etish, musobaqalarni o'tkazish reglamentini tasdiqlash, Xalqaro musobaqalarga tayyorgarlik ko'rish va ishtirok etish hamda oldinda qilinadigan ishlar yuzasidan o'zaro fikr almashildi.

Yig'ilish yakunida esa 2019 yil davomida O'zbekistonda gandbolni rivojlantirish yo'lida munosib hissa qo'shgan murabbiylar, hakamlar va xududiy federaciyalar xodimlari faxriy yorliq va esdalik sovg'alari bilan taqdirlanishdi.