O'zbekiston – Koreya Respublikasi: sport sohasidagi hamkorlik yanada rivojlanmoqda

Yuzlab davlatlarning sport tashkilotlari, xalqaro federaciyalar, alohida sport klublari, talim muassasalari bilan manfaatli hamkorlik aloqalari o'rnatildi. Yangi va istiqbolli loyihalar hayotga tatbiq etilmoqda. Birgina Koreya Respublikasi davlati bilan jismoniy tarbiya va sport sohasidagi hamkorlik aloqalari keng miqyosda ravnaq topmoqda.

Avvallari ushbu mamlakat bilan tor doiradagi qaysidir sport turlari, musobaqa va turnirlar orqali munosabatda bo'lingan bo'lsa, keyingi yillarda sport talimining bir necha yo'nalishlarida, xalqaro turnirlar o'tkazish borasida amaliy ishlar yo'lga qo'yilmoqda.

O'zbekiston davlat jismoniy tarbiya va sport universitetida Umumjahon taekvondo policiyasi federaciyasining ijrochi maslahatchisi, Koreya Respublikasining Pocheon shahri meri Park Yoon-Guk boshchiligidagi delegaciya azolari bilan uchrashuv chog'ida shu haqda so'z bordi.

Muloqot davomida O'zbekiston davlat jismoniy tarbiya va sport universiteti rektori Rashid Matkarimov yurtimizda Koreya Respublikasi bilan jismoniy tarbiya va sportning turli yo'nalishlarida mustahkam va ishonchli hamkorlik aloqalari o'rnatilganini, taekvondo sport turi bo'yicha O'zbekistonda bajarilgan ishlar etiborli ekanini takidladi.

Mamlakatimizda taekvondo bo'yicha xalqaro darajadagi malakali mutaxassislarni tayyorlash, uning moddiy texnik bazasini kuchaytirish, ikki tomonlama hamkorlik doirasida jismoniy tarbiya va sport universiteti hududida yangi taekvondo zalini barpo etish va ushbu majmuada har yili hokim Park Yoon-Guk kubogini tashkil qilish kabi masalalar yuzasidan fikrlar bildirilib, kelishuvlarga erishildi.

Umumjahon taekvondo policiyasi federaciyasining ijrochi maslahatchisi, Koreya Respublikasining Pocheon shahri meri Park Yoon-Guk O'zbekistonda Prezident SHavkat Mirziyoevning sport sohasiga qaratayotgan alohida etibori "Parij-2024" Olimpiadasida, xalqaro maydonda o'tkazilayotgan ko'plab jahon va qita chempionatlarida yaqqol namoyon bo'layotganini bildirdi.