O'zbekiston Osiyo chempionati 1/2 finaliga chiqish barobarida Jahon chempionati yo'llanmasini ham qo'lga kiritdi + FOTOGALEREYA

Hozirgina "Alpomish" muz saroyida A guruhi etakchilari O'zbekiston va Xitoy terma jamoalari o'zaro hisob-kitob qilishdi. Murosasiz kechgan o'yinda CHin yurti qo'l to'pi ustalari 29:25 hisobida g'alaba qozonishdi. Birinchi bo'limda xitoyliklar 16:13 hisobida zafar quchishdi. Ikkinchi bo'limda qizlarimiz astoydil harakat qilishdi va bir to'p farqi bilan yutqazishdi. 

SHu tariqa, Xitoy terma jamoasi yuz foizlik natija bilan guruhimizda yakka peshqadam bo'lib oldi. O'zbekiston terma jamoasi ikkinchi o'rin bilan 1/2 finalga yo'l oldi. Bugun Hindistonni 31:28 hisobida mag'lub etgan Xitoy Taypeyi terma jamoasi guruhda uchinchi bo'ldi va endi 5-8 o'rinlar uchun kurashni davom ettiradi. 

Bugungi o'yinlar doirasida Eron Qirg'iz Respublikasini 77:12, Koreya Respublikasi Yaponiyani 23:21 hisobida engdi. V guruhidan Koreya Respublikasi va Yaponiya terma jamoalari 1/2 finalga yo'l olishdi. 

Quvonarlisi, O'zbekiston terma jamoasi 1/2 final yo'llanmasi bilan birga jahon chempionati yo'llanmasini ham qo'lga kiritdi. Reglamentga ko'ra, yarim finalga etib kelgan 4 terma jamoa jahon chempionati chiptasiga ega chiqdi.