O'zbekiston o'smirlar terma jamoasida ruminiyalik mutaxassis ish boshladi

Ruminiyalik mutaxassis ayni paytda Surxondaryo viloyatining Denov tumanida o'quv-mashg'ulot yig'ini o'tkazayotgan o'smirlar terma jamoamiz azolari bilan uchrashuvda yangi bosh murabbiy sifatida rasman tanishtirildi. 

Yaqinda 44 yoshini qarshilagan Flis murabbiylik faoliyati davomida Ruminiya, Ozarbayjon va Malta davlatlarida ishlagan. Dunyoga mashhur Kodokan Institute Japan azosi, qora belbog' 5-DAN sohibi hisoblanadi. Dzyudo talimi bo'yicha bir nechta ko'zga ko'ringan o'quv dargohlarida saboq olgan. 

Uning murabbiyligida Katrina Espozito (-48 kg) Olimpiya o'yinlari (Parij-2024)da ishtirok etgan birinchi maltalik dzyudochiga aylangandi. 

Aurelian-CHiprian Flis o'smirlar terma jamoasidagi faoliyati bilan parallel ravishda qizlar jamoasi mashg'ulotlarini tashkil etishda koordinator sifatida ham yordam beradi.