O'zbekiston Pankration va greppling associaciyasida yangi tayinlov

Yurtimizda tashkil etilganiga hali ko'p vaqt bo'lmasa-da, bir nechta musobaqalarni o'tkazishga ulgurgan O'zbekiston Pankration va greppling associaciyasi boshqaruv kengashida kichik o'zgarish kuztildi. Kamoliddin SHarafutdinov Associaciyaning tashkiliy masalalar bo'yicha rais o'rinbosari etib tayinlandi. 

Bundan ko'zlangan maqsad ancha qadimiy hisoblangan ushbu sport turini O'zbekistonda yanada rivojlantirish, yoshlarimiz orasida ommalashtirish, ko'proq musobaqalar tashkil etishdan iborat.

Malumot uchun, O'zbekiston Pankration va greppling associaciyasi shu yilning o'zidayoq yurtimizda jahon chempionatini o'tkazishga muvaffaq bo'lgan edi. Bundan tashqari, Farg'ona shahrida "Yangi O'zbekiston" musobaqasi tashkil etildi. Bugun 1 oktyabr kuni Ustoz va murabbiylarimizning kasb bayramlari kuniga bag'ishlab, Samarqand shahrida pankration bo'yicha Silk Road turniri o'tkaziladi. 6-8 oktyabr kunlari esa Qo'qon shahri greppling bo'yicha yana bir musobaqaga mezbonlik qiladi.