O'zbekiston Qahramoni Quvondiq Sanaqulov: "Zafarli odim 2025 yilda ham davom etadi"

O'zbekiston Qahramoni Quvondiq Sanaqulov bundan buyon mamlakat gandbol federaciyasiga raislik qiladi. Yangi rahbar barchani bayram bilan tabriklar ekan, yangi 2025 yilda ham sportchilarimizning muvaffaqiyatli odimi davom etishiga ishonishini aytdi. 

"Aziz hamyurtlar! Sizlarni qutlug' qadamlar bilan kirib kelayotgan Yangi - 2025 yil bilan tabriklayman. Ortda qolayotgan yil o'zbek sporti tarixiga zarhal harflar bilan bitildi. Sportchilarimiz Olimpiada va Paralimpiya o'yinlarida, jahon va Osiyo chempionatlarida misli ko'rilmagan natijalarga erishdilar. 

Albatta, bu qalbimizga g'urur va faxr hissini bag'ishladi. Ishonchim komil, yangi yil ham bundan mustasno bo'lmaydi. Zafarli sportchilarimiz ananani davom ettirib, davlatimiz bayrog'ini yanada sarbaland qilishadi. 

Yangi yilda xush kayfiyat, sog'lik va salomatlik, omad va muvaffaqiyat Sizlarni aslo tark etmasin. Fayzu baraka, to'kin-sochinlik va farovonlik oilangiz hamrohiga aylansin. Ayyomingiz muborak bo'lsin!"

Hurmat bilan Quvondiq Sanaqulov, O'zbekiston Qahramoni, mamlakat gandbol federaciyasi raisi