O'zbekiston sport delegaciyasi Rioga etib bordi

To'rt yillikning eng nufuzli musobaqasida roppa-rosa 70 nafar sportchimiz sportning 13ta turi bo'yicha yurtimiz sharafini himoya qilishadi. Har doimgidek, sportchilarimiz orasidan birinchilardan bo'lib dzyudochilarimiz ishtiroklarini boshlashadi. -60 kg vazn toifasida Diyorbek O'rozboev tatamiga chiqadi.

6 avgust kunidan boks bahslari ham boshlanadi. Bu safargi Olimpiadada to'liq tarkibdagi – 10 nafar charm qo'lqop ustamiz ringga ko'tariladi. Xotin-qiz bokschilar musobaqasida esa boksimiz tarixida ilk bor vakilamiz Yodgoroy Mirzaeva o'z imkoniyatini sinovdan o'tkazadi.

Tez orada Riodagi Olimpiya qishlog'ida O'zbekiston davlat bayrog'ining ko'tarish marosimi bo'lib o'tadi. 5 avgust kuni mashhur “Marakana” stadionida o'tkaziladigan tantanali ochishi marosimida esa bokschimiz Bahodir Jalolov mamlakatimiz bayrog'ini sarbaland ko'tarib o'tadi.