O'zbekiston terma jamoasining jahon chempionatlari tarixidagi eng yaxshi natijasini bilasizmi?

1-14 may kunlari Toshkentda boks bo'yicha kattalar o'rtasidagi yigirma ikkinchi jahon chempionati bo'lib o'tadi. Unda ishtirok etadigan O'zbekiston terma jamoasi mazkur musobaqa tarixidagi eng yaxshi natijasini qayd etish imkoniyatiga ega.

Musobaqalar tarixiga nazar tashlaydigan bo'lsak, yigitlarimiz eng yaxshi natijasini 2019 yilda qayd etganiga guvoh bo'lamiz. Rossiyaning Ekaterinburg shahrida o'tkazilgan jahon chempionatida vakillarimiz 3 ta oltin, bitta kumush va bitta bronza medalini qo'lga kiritgan edi.

SHahobiddin Zoirov, Mirazizbek Mirzaxalilov va Bahodir Jalolov o'shanda oltin medallarga ega chiqishgan edi. Dilshodbek Ro'zmetov kumush, Bobo-Usmon Baturov esa bronza medallariga sazovor bo'lgandi.

Jami 5 ta medalni qo'lga kiritgan O'zbekiston delegaciyasi 2019 yilgi jahon birinchiligida umumjamoa hisobida birinchi o'rinni egallab, o'zining eng yaxshi natijasini qayd etgandi.

Ikki yil o'tib, Serbiyada o'tkazilgan 2021 yilgi jahon chempionatida esa vakillarimiz 2 ta medal bilan Vatanga qaytgan edi. Abdumalik Xalakov kumush, Madiyar Saidrahimov esa bronza medaliga sazovor bo'lgandi.