O'zbekiston terma jamoasining shaxmat Olimpiadasi uchun tarkibi malum

Xabaringiz bor, 10-23 sentyabr kunlari Vengriya poytaxti Budapesht shahri Butunjahon SHaxmat Olimpiadasiga mezbonlik qiladi. O'z tarixida 45-marotaba tashkil etilayotgan Olimpiadada 3500 nafarga yaqin shaxmatchi qatnashadi. Ular orasida amaldagi Olimpiada chempioni O'zbekiston terma jamoasi ham bor. 

Terma jamoa murabbiylar shtabi Budapeshtga chempionlik himoyasi uchun boradigan tarkibni elon qildi. Ikki yil avval Hindistonning CHennay shahrida qahramonlarga aylangan kuchli beshlik o'zgarmadi. Nodirbek Abdusattorov, Javohir Sindarov, Nodirbek Yakubboev hamda Jahongir va SHamsiddin Vohidovlar vatanimiz sharafi bilan birga chempionlik unvonini ham himoya qilishadi. 

O'zbekiston terma jamoasi tarkibi:

GM Nodirbek Abdusattorov (2769)

GM Javohir Sindarov (2674)

GM Nodirbek Yakubboev (2648)

GM SHamsiddin Vohidov (2643)

GM Jahongir Vahidov (2571)

Jamoaning o'rtacha reytingi 2684 ni tashkil etadi. Bu esa ro'yxatdagi 3 ta davlatdan keyin eng yuqori 4-natija hisoblanadi. Bundan avvalgi Olimpiadada terma jamoamizning o'rtacha reytingi 2625 nii tashkil qilgan va bu yakunda Top-7`talikdan joy olgan eng past ko'rsatkich bo'lgandi.

CHennayda O'zbekiston terma jamoasi 19 ochko bilan qo'shimcha ko'rsatkichlarga ko'ra Armanistonni ortda qoldirib, tarixda ilk bor Olimpiada chempioniga aylangandi. Armaniston kumush, Hindiston-2 jamoasi bronza medalini qo'lga kiritgandi.