O'zbekiston U-20 terma jamoasi iyul oyida yana bir xalqaro musobaqada qatnashadi

"O'zbekiston U-20 terma jamoasining 3-13 iyul kunlari Qirg'iz Respublikasi mezbonlik qiladigan CAFA musobaqasida ishtirok etishi Ligaga malum qilindi. SHundan kelib chiqib, terma jamoa asosini tashkil qiluvchi "Olimpik MobiUz" ishtirokidagi ikki o'yin sanasiga o'zgartirish kiritish so'ralgan. 

Endilikda Pro liga 12-turidan o'rin olgan "Qo'qon-1912" — "Olimpik MobiUz" o'yini bir kun avvalroq — 29-iyun sanasida bo'lib o'tadi. O'zbekiston kubogining 1/8 finalidan joy olgan "Olimpik MobiUz" — "Xorazm" o'yini ham bir kun avval — 2-iyul kuni o'tkaziladi", - deyiladi O'zPFL bayonotida.