O'zbekiston va Albaniya MOQ rahbarlari uchrashuvida o'zaro hamkorlik masalalari muhokama qilindi

Mazkur nufuzli musobaqa doirasida Albaniya Olimpiya qo'mitasi prezidenti boshchiligidagi delegaciya MOQda mehmon bo'ldi.

Delegaciyaga Albaniya Olimpiya qo'mitasi prezidenti Fidel Elli boshchilik qildi. Ularni Qo'mita raisi Rustam SHoabdurahmonov va Bosh kotib Oybek Kasimov qarshi oldilar. SHuningdek, uchrashuvda O'zbekiston og'ir atletika federaciyasi raisining birinchi o'rinbosari SHahrullo Mahmudov ham ishtirok etdi.

Tashrif avvalida mehmonlarga O'zbekiston Milliy Olimpiya qo'mitasi binosi bo'ylab kichik ekskursiya tashkil etildi. SHundan so'ng Qo'mitamiz muzeyida hamkorlik masalalariga bag'ishlangan uchrashuv bo'lib o'tdi. Samimiy ruhda o'tgan suhbatda Rustam SHoabdurahmonov mehmonlarga o'zining iliq tilaklarini bildirdi.

“Og'ir atletikachilarimizning so'nggi Olimpiya o'yinlarida qo'lga kiritayotgan oltin medallari o'z-o'zidan emas. Buning ortida Prezidentimiz va davlatimizning sportga qaratayotgan ulkan etibori turibdi. O'zbekiston bungacha og'ir atletika bo'yicha o'smirlar va yoshlar o'rtasidagi jahon chempionatlari, kattalar o'rtasida Osiyo chempionati va boshqa nufuzli musobaqalarga mezbonlik qilgan edi. To'plangan ulkan tajriba bilan kattalar o'rtasidagi dunyo birinchiligini qabul qilmoqdamiz. Albatta, bularning bari hukumatimizning qo'llab-quvvatlashi bilan tashkil etilmoqda”, – dedi MOQ rahbari.

O'z navbatida, Albaniya Olimpiya qo'mitasi prezidenti Rustam SHoabdurahmonovga iliq qabul uchun o'z minnatdorchiligini bildirib, o'zbek sportining yutuqlari haqida ijobiy fikrlarini aytib o'tdi. SHuningdek, u o'zaro mustahkam hamkorlik aloqalarni yo'lga qo'yish, kelishuv memorandumini imzolash bo'yicha takliflarini ilgari surdi. Bunga javoban, O'zbekiston MOQ raisi rivojlanish yo'lida bunday hamkorlikni yo'lga qo'yishdan mamnun ekanini takidladi.