O'zbekiston va O'mon Sultonligi sportidagi aloqalar mustahkamlanmoqda

Rasmiylarni MOQ Bosh kotibi Oybek Kasimov qarshi oldi. Mehmonlar Qo'mitada yaratilgan sharoitlar va ayniqsa, uning qoshidagi Respublika sport tibbiyoti ilmiy-amaliy markazi faoliyati bilan yaqindan tanishishdi.

Oybek Omilovich Xisham Al Sinani boshchiligidagi delegaciyaga o'zbek sportining shonli tarixi, Yurtboshimiz tomonidan mamlakatimizda Olimpizm harakati va sog'lom turmush tarzi targ'ibotini kuchaytirishga qaratilayotgan etibor xususida batafsil malumot berdi. 

O'monlik mutasaddilarda MOQ qoshidagi Respublika sport tibbiyoti ilmiy-amaliy markazi katta qiziqish uyg'otdi. Ular tashkilot faoliyati bilan yaqindan tanishib, atletlar uchun markazlashgan tizimda xizmat ko'rsatuvchi bunday muassasa borligi professional sportda katta natijalarga erishishda ulkan hissa qo'shishini takidlashdi. 

Qolaversa, sport yutuqlarida tibbiy taminotning o'rni muhimligini inobatga olib, undagi ilmiy yo'nalishga alohida yondashishni maqsad qilishganini qo'shimcha qilishdi.

SHundan so'ng tomonlar o'zaro hamkorlik masalalarini muhokama qilishdi. Qayd etish joiz, og'ir atletika bo'yicha O'mon terma jamoasi yirik musobaqalarga tayyorgarlik ko'rishda hamyurtlarimiz bilan birga qo'shma o'quv-mashg'ulot yig'inlarida ishtirok etadi. 

SHuningdek, suhbatda kelgusida boshqa sport turlarida ham bunday hamkorlikni yo'lga qo'yish, zamonaviy sport yutuqlari bo'yicha tajriba almashish kabi mavzular atroflicha muhokama qilindi.