O'zbekiston va Qirg'iziston dzyudo federaciyalari o'rtasida hamkorlik Memorandumi imzolandi

Musobaqa doirasida O'zbekiston va Qirg'iziston dzyudo federaciyalari rahbarlari o'zaro hamkorlik Memorandumi imzolashdi.

O'zbekiston MOQ raisi o'rinbosari, mamlakat dzyudo federaciyasi raisi Azizjon Kamilov qita chempionatini bevosita kuzatib borish maqsadida Bishkekka etib borgan. Bugun Azizjon Yakubjanovich qirg'izistonlik hamkasbi Joldoshbek Kolbaev bilan uchrashdi. 

Suhbat davomida A.Kamilov Osiyo-Okeaniya chempionatining yuqori saviyada tashkil etilayotgani bilan mezbonlarni tabrikladi. Tadbir davomida rasmiylar o'zaro hamkorlik Memorandumiga ham imzo chekishdi.

Unga ko'ra, dzyudo bo'yicha O'zbekiston va Qirg'iziston terma jamoalari yirik musobaqalarga tayyorgarlik jarayonida do'stona hamkorlikni mustahkamlashadi. Terma jamoalar o'rtasida o'quv-mashg'ulot yig'inlari tashkil etiladi. Muloqot davomida har ikki rahbar qardosh mamlakatlar o'rtasidagi do'stona aloqalarni sport sohasida yanada mustahkamlash bo'yicha kelishib olishdi.

SHuningdek, tadbir davomida Osiyo dzyudo federaciyasi prezidenti Obayd al Anzi bilan ham uchrashuv bo'lib o'tdi. Unda mamlakatimizda dzyudo ommaviyligini oshirish hamda Tokio-2020 Olimpiadasiga tayyorgarlik ko'rish borasida muzokaralar olib borildi.

Uchrashuv yakunida Azizjon Kamilov Obayd al Anzi hamda Jodoshbek Kolbaevga O'zbekiston dzyudo federaciyasining esdalik sovg'alarini taqdim qildi.