O'zbekiston va Ukraina Milliy olimpiya qo'mitalari o'rtasida hamkorlik Memorandumi imzolandi

Bir necha kun muqaddam Xitoy Milliy olimpiya qo'mitasi bilan hamkorlik memorandumi imzolangan bo'lib, mazkur loyiha doirasida bugun Ukraina Milliy olimpiya qo'mitasi bilan ana shunday bitimga erishildi. Onlayn o'tgan mazkur tadbirda O'zbekiston nomidan MOQ prezidenti Rustam SHoabdurahmonov, Bosh kotib Oybek Kasimov va qo'mitaning boshqa mutasaddilari ishtirok etgan bo'lsa, Ukraina tarafidan afsonaviy sportchi, hozirda mazkur davlat Milliy Olimpiya qo'mitasini boshqarayotgan Olimpiya o'yinlari chempioni Sergey Bubka boshchiligidagi vakillar, shuningdek, O'zbekistonning Ukrainadagi Favqulodda va muxtor elchisi Alisher Kurmanov ishtirok etdi.

Takidlash joiz, mazkur memorandumni imzolash jarayoni joriy yilning 21 mart kuni Sergey Bubkaning Toshkentga tashrifi arafasida tashkil qilinishi rejalashtirilgan, biroq koronavirus infekciyasining tarqalishi sabab ortga surilgan edi. Tadbir davomida Rustam SHoabdurahmonov mamlakatimizda sportni rivojlantirish borasida Prezidentimiz boshchiligida olib borilayotgan islohotlar xususida gapirib o'tdi.

“Karantin davrida Mustaqilligimiz arafasida tashkil qilingan og'ir atletika bo'yicha onlayn musobaqa ukrainalik sportchilar ham birinchi o'rinni qo'lga kiritishdi va bu Siz tomonidan pandemiya paytida ham katta ishlar olib borilayotganidan dalolat. O'zingiz bir vaqtlar Sobiq Ittifoq xalqlari ichida minglab insonlar uchun o'rnak bo'lgansiz. Ko'pchilik Siz kabi buyuk sportchi bo'lishni orzu qilgan. Hamkorligimiz doirasida ukrainalik sportchi va murabbiylarni mamlakatimizda ko'rish biz uchun sharaf. Sizning o'zbek sportida o'rningizni ham alohida aytib o'tish joiz. 2014 yil hozirgi O'zbekiston Milliy olimpiya qo'mitasi va engil atletika bazamizning binolariga ilk g'isht qo'ygan insonlardan birisiz«, – dedi MOQ rahbari.

SHuningdek, Sergey Bubka ham bugungi tadbir yuzasidan o'z fikrlarini bildirar ekan, mamlakatlarimiz orasidagi do'stona aloqalarni sport sohasida ham davom ettirishdan minnatdor ekanligini bildirib o'tdi. SHundan so'ng har ikki tashkilot o'rtasida hamkorlik memoranudmi imzolandi. Unga ko'ra, mamlakatlar yirik sport musobaqalariga tayyorgarlik doirasida o'zaro o'quv-mashg'ulot yig'inlarini tashkil qilish, sport ilm-fanida erishilayotgan yutuqlar borasida o'zaro tajriba almashish, sport tibbiyoti, farmakalogiyasi bo'yicha hamkorlikda ishlashadi. SHuningdek, suzish, qilichbozlik, engil atletika, gimnastika, o'q otish sporti va eshkak eshish sport turlarida ukrainalik murabbiylar mamlakatimizda o'z tajribalari bilan o'rtoqlashishadi.