O'zbekistonda 3 ta, Qozog'iston, Kuba va Franciyada bittadan oltin. Jahon chempionatining ilk finallar kuni yakunlandi

Bugungi kun doirasida jahon chempionatining oltita vaznida final janglari o'tkazildi, shuningdek, uch nafar vakilimiz finalda o'z jangini o'tkazdi:

1. -48 kg: Sahil Alahverdovi (Gruziya) - Sanjar Tashkenbay (Qozog'iston), (Hakamlarning yakdil qarori bilan, 0:5) 

2. -67 kg: Dulat Bekbauov (Qozog'iston) - ASADXO'JA MO'YDINXO'JAEV, (Hakamlarning yakdil qarori bilan, 0:5)

3. -60 kg: Alvares Borxes (Kuba) - Sofiyan Umiya (Franciya), (Hakamlar qarori bilan)

4. -75 kg: Vanderley Pereyra (Braziliya) - Martines Ernandes (Kuba), (Hakamlarning yakdil qarori bilan, 0:5)

5. -51 kg: Bilal Bennama (Franciya) - HASANBOY DO'SMATOV, (1-raundda KO-TKO)

6. +92 kg: Fernando Arzola Lopes (Kuba) - BAHODIR JALOLOV, (1-raunddan so'ng raqib jangni davom ettirishni istamadi).

SHunday qilib, jahon chempionatining ilk finallar kunida O'zbekiston terma jamoasi 3 ta oltin medalni qo'lga kiritdi. Qozog'iston, Kuba va Franciya terma jamoalari ham bittadan oltin medalga ega chiqdi. SHuningdek, bugungi kun doirasida Kuba terma jamoasi 2 ta kumush, Qozog'iston, Gruziya, Braziliya va Franciya termalari esa bittadan kumush medalni qo'lga kiritdi.

MATNLI TRANSLYACIYA


19:52. Arenada -51 va +92 kg vaznda chempion va sovrindorlarni taqdirlash marosimi bo'lib o'tdi.




19:23. Guvohi bo'lganingidek, Bahodir Jalolovning raqibi jangni davom ettirishni istamadi, va o'z o'zidan Jalolov jahon chempionligini qo'lga kiritdi! Bizda uchinchi oltin!

19:15. Bahodir Jalolov ishtirokidagi kunning so'nggi final jangi start olmoqda.




19:03. Endi navbat -75 kg vazn toifasida g'olib va sovrindorlarga. Eslatib o'tamiz, ushbu vaznda hamyurtimiz Aloxon Abdullaev bronza medalini qo'lga kiritgan edi.

19:01. -60 kg vazn toifasida chempion va sovrindorlarni taqdirlash marosimi bo'lib o'tmoqda.




18:53. HASANBOOOOOY. Do'smatov raqibini birinchi raundning o'zida nokautga uchratib, o'z titullari hisobiga jahon chempionligini ham qo'shib qo'ydi.

Navbat Hasanboyga!

18:45. Kuba vakili Yoenlis Ernandes braziliyalik Vanderley Pereyrani 5:0 hisobida mag'lub etib, ikki karra jahon chempioniga aylandi.

18:25. -67 kg vazn toifasida chempionlikni qo'lga kiritgan o'zbekistonlik ASADXO'JA MO'YDINXO'JAEV va boshqa sovrindorlarni taqdirlash marosimi bo'lib o'tdi.

18:17. -48 kg vazn toifasida chempion va sovrindorlani taqdirlash marosimi bo'lib o'tmoqda.

18:14. Ayni damda O'zbekiston Respublikasi prezidenti SHavkat Mirziyoev ham "Humo" Arenada.

18:08. Ayni damda arenada taqdirlash marosimi start olmoqda.

17:55. Kechaning uchinchi final jangida franciyalik Sofiyan Umiya kubalik Alvares Borxesni engib, uch karra jahon chempioniga aylandi.

17:36. Asadxo'jaaaa. Bizda birinchi oltin naqd! Mo'ydinxjaev qozog'istonlik Dulat Bekbauovni 5:0 hisobida mag'lubiyatga uchratdi va jahon chempionati oltin medali hamda 200 ming dollar kafolatlangan pul mukofotini, shuningdek, eng asosiysi: muxlislar mehrini qozondi!

17:30. Ikkinchi raundda hisob 4:1 ko'rinishida Asadxo'ja tomonda bo'ldi.

17:26. Asadxo'ja Mo'ydinxo'jaev jangning birinchi raundini 5:0 hisobida o'ziniki qildi.

17:20. Sanjar Tashkenbay gruziyalik raqibini 5:0 hisobida mag'lub etib, -48 kg vaznda oltin medalni qo'lga kiritdi!

17:15. Bokschilarimiz ham o'z janglariga so'nggi tayyorgarliklarni olib bormoqda.











17:13. Jangning ikkinchi raundidan so'ng hisob 5:0, Tashkenbay foydasiga!






17:03. Ilk jang start oldi. Sanjar Tashkenbay Sahil Alahverdovinga qarshi!

16:07. Assalomu alaykum, qadrli boks muxlislari! Bugun Toshkentda davom etayotgan kattalar o'rtasidagi jahon chempionatining ilk final janglari bo'lib o'tadi. Bugungi kun doirasida uch nafar bokschimiz final jangida ringga chiqadi. Qariyb bir soatdan so'ng bugungi janglar start oladi.