O'zbekistonlik olimga Janubiy Koreya universiteti faxriy doktori unvoni berildi

Safar davomida mamlakatimiz sport talimi mutaxassislari Koreyadagi ko'plab jismoniy tarbiya va sportga ixtisoslashgan oliy o'quv yurtlari rahbarlari, sport federaciya mutasaddilari, sport yo'nalishining olimlari bilan suhbat va muzokaralar olib bormoqda.

O'zbekiston sport delegaciyasi rahbari, O'zbekiston davlat jismoniy tarbiya va sport universiteti rektori Rashid Matkarimov Yong In universiteti vakillari bilan hamkorlik aloqalarini mustahkamlash, sport talimi yo'nalishida yangi loyihalarni hayotga tatbiq etish bo'yicha suhbatlashdi.

Uchrashuvda sportchi-talabalar va professor-o'qituvchilar almashinuvi, talim dasturlari va xalqaro qo'shma loyihalar kabi masalalar ko'rib chiqildi. Yakunda ikki universitet o'rtasida hamkorlik memorandumi imzolandi.  

Muloqot yakunida Yong In universiteti prezidenti Jin-Soo Xan O'zbekiston davlat jismoniy tarbiya va sport universiteti rektori Rashid Matkarimovni  Yong In universitetining jismoniy tarbiya faxriy doktori ilmiy darajasi bilan taqdirladi.