O'zDJTSU Belarus Milliy texnika universiteti bilan hamkorlik shartnomasi imzoladi

Unda O'zDJTSU rektori M.Boltabaev, Ilmiy ishlar va innovaciyalar bo'yicha prorektor K.Bayazitov, Xalqaro hamkorlik bo'lim boshlig'i SH.Toshturdievlar ishtirok etdi.

7-11 dekabr kunlari Belarusda Milliy texnika universitetining 100 yillik yubileyi ham keng nishonlanmoqda, hamkorlik kelishuvi esa ushbu tadbir doirasida bo'lib o'tgani bayram kayfiyatini yanada ko'tarilishiga sabab bo'ldi. Onlayn uchrashuvda Belarus Milliy texnika universitetining 30dan ortiq hamkor universiteti qatnashdi.

Dastavval, O'zbekiston davlat jismoniy tarbiya va sport universiteti rektori M.Boltabaev Belarus Milliy texnika universiteti rektori S.Xaritonchik va universitet jamoasiga samimiy tabrik yo'lladi. Ayni vaqtda Belarus davlatida bo'lib turgan universitetning O'zbek-Belarus qo'shma «Jismoniy tarbiya, sport va turizm» fakulteti dekani G.Asatova maxsus sovg'ani hamkor universitet rektoriga topshirdi. O'quv yurtining kelgusidagi ilm sohasida olib borayotgan ishlariga omadlar tiladi.

So'ngra ikkala tomon onlayn formatda hamkorlik shartnomasini imzolashdi. Xalqaro hamkorlik shartnomasiga ko'ra, endi ikki davlat oliy o'quv yurtlari o'rtasida «2+2» dasturi asosida ham qo'shma fakultet tashkil etiladi.

SHuningdek, onlayn tarzda ikki tomon o'rtasida kelgusidagi hamkorlik, loyihalar va tadbirlar to'g'risida suhbat bo'lib o'tdi.

Malumot uchun, O'zbekiston davlat jismoniy tarbiya va sport universiteti shu kunga qadar 21ta xorijiy oliy o'quv yurti bilan hamkorlik shartnomalari imzolagan edi. Endi ularning soni yana bittaga ko'paydi.