O'zDJTSU qoshida "Sport Akademy" nomli o'quv markazi tashkil etildi

O'zbekiston Respublikasi Prezidentining 2021 yil 19 maydagi "O'zbekiston Respublikasida xorijiy tillarni o'rganishni ommalashtirish faoliyatini sifat jihatdan yangi bosqichga olib chiqish chora-tadbirlari to'g'risida"gi PQ - 5117-sonli qarorining ijrosini taminlash maqsadida O'zbekiston davlat jismoniy tarbiya va sport universiteti qoshida "Sport Akademy" nomli o'quv markazi tashkil etildi.

Kuni kecha mazkur o'quv markazining rasmiy ochilish marosimi bo'lib o'tdi. Ushbu tantanali ochilish marosimida O'zbekiston Respublikasi Vazirlar Mahkamasi huzuridagi Xorijiy tillarni o'rganishni ommalashtirish agentligi direktori o'rinbosari Azimjon Husanov, agentlikning Toshkent viloyati hududiy vakilligi boshlig'i Zarina Raximova, Respublika manaviy - marifiy markazning CHirchiq shahari filiali direktori Muyassar To'raeva, "FAN NURI" o'quv markazi direktori Farrux Aminov, "ZAR DONISH" xususiy korxonasi direktori SHoira Avazova, "Khan Book" MCHJ  tasischi rahbari Sardorbek Otaxonov hamda universitet rahbariyati va professor-o'qituvchilari ishtirok etishdi.

Tadbir doirasida Toshkent viloyati hududiy oliy va Xalq talimi xodimlarini xorijiy malaka oshirish va stajirovka dasturlariga tayyorlash, pedagog xodimlarning til bilish bo'yicha sertifikatlar olishlarini qo'llab-quvvatlash, Germaniya, Yaponiya va boshqa davlatlardan ko'ngilli o'qituvchilarni "Sport akademy" o'quv markaziga taklif etish bo'yicha kelishuvlar imzolandi.