O'zDJTSUda 8 mart - Xalqaro xotin-qizlar kuni munosabati bilan bayram tadbiri o'tkazildi + FOTO

Universitetining professor-o'qituvchilaridan iborat xotin-qizlar, ishchi-xodimlar va talaba qizlar taklif etilgan mazkur bayram tadbirida dastlab universitet rahbariyati ularni bayram bilan qutladi. SHundan so'ng bir guruh ayol professor-o'qituvchilar, ilmiy xodimlar va talaba-qizlar universitetning esdalik sovg'alari va faxriy yorliqlari bilan mukofotlanishdi. 

SHuningdek, 8 mart bayrami munosabati bilan ayollar o'rtasida universitet sport klubi tomonidan tashkil etilgan "Do'stlik" spartakiadasining badminton, stol tennisi, stritbol, engil atletika, voleybol sport turlari  bo'yicha bellashuvlarida kuchli uchlikdan joy olgan o'qituvchi va talabalar ham diplom va esdalik sovg'alari bilan taqdirlanishdi. 

SHundan so'ng poytaxtimizdagi milliy akademik drama teatrining aktyorlari tomonidan tayyorlangan badiiy chiqishlariga navbat berildi. Taniqli sanatkorlar tomonidan ijro etilgan kuy-qo'shiqlar ko'ngillarga xushnudlik bag'ishladi. 

Ilhom RAHMONOV tayyorladi