O'zDJTSUda Evropa tillari kuni munosabati bilan tadbir tashkil etildi + FOTO

Evropa Kengashi tashabbusi bilan 2001 yildan buyon butun dunyoda nishonlanib kelinayotgan ushbu bayram chet tillarni targ'ib etadi, chet tillar orqali jahon madaniyatlari namoyish etiladi.  

SHu kuni dunyo bo'ylab til targ'ibotiga bag'ishlangan marifiy kechalar o'tkaziladi. Jumladan, mamlakatimizdagi turli talim muassasalarida ham chet tillar kuni munosib nishonlanadi.

Xususan, kecha O'zbekiston davlat jismoniy tarbiya va sport universitetida ham “Evropa tillari kunini biz bilan nishonlang” mavzusida manaviy – marifiy tadbir bo'lib o'tdi. Universitetning Xorijiy tillar kafedrasi tashabbusi bilan tashkil  etilgan mazkur Evropa tillari kuni bayram dasturida CHirchiq oliy tank qo'mondonlik-muhandislik bilim yurtining bir guruh oficer va kursantlari, Toshkent viloyati Xorijiy tillarni ommalashtirish agentligi rahbari Z. X. Rahimova hamda universitet rahbariyati, professor-o'qituvchilar va talabalari ishtirok etishdi. Tadbirni universitetning o'quv ishlari bo'yicha prorektori Ikrom Ahmedov tabrik so'zi bilan ochib berdi.

SHuningdek, tadbirning rasmiy ochilish marosimida  so'z olgan O'zDJTSUning Sport o'yinlari fakulteti dekani Noryigit Dusanov, Xorijiy tillar kafedrasi mudiri Feruza Norboeva va boshqalar mazkur sanani nishonlashdan ko'zlangan maqsad, yoshlarni xorijiy tillarni o'rganishga rag'batlantirish hamda turli madaniyatlar o'rtasidagi do'stlik rishtalarini mustahkamlashdan iboratligini takidlab o'tishdi.

SHundan so'ng,O'zDJTSU talabalari koreys, yapon, eron va Evropa tillarida o'z tabriklarini izhor etishdi. Talabalar va CHirchiq shahridagi 18-umumiy o'rta talim maktabi o'quvchilari tomonidan tayyorlangan chet tillaridagi kuy-qo'shiqlar hamda turli madaniyatlar aks etgan sahna ko'rinishlari namoyishi Evropa tillari kuniga bag'ishlangan bayramga o'zgacha shukuh bag'ishladi.

Ilhom RAHMONOV tayyorladi