19 avg 08:58
Yangiliklar

Boks/MMA

P4P reytingi. Jons o'z o'rnida, Top-10da 4 ta o'zgarish!

UFC matbuot xizmati yangilangan P4P, yani vazn toifasidan qatiy nazar dunyoning eng kuchli jangchilari reytingini elon qildi.

Top-10 reytingida o'zgarishlar bo'ldi. Yakshanba tongida Stipe Miochichga imkoniyatni boy bergan Daniel Korme ikki pog'onaga pastlab, ayni paytda 7-o'rinni egallab turibdi. Yarim engil vazn chempioni Aleksandr Volkanovski aksincha 6-o'ringa ko'tarilib oldi.

Jastin Getji ikki pog'onaga yuqorilab, 8-o'rinda qayd etilgan bo'lsa, Maks Xollouey 8-pog'onadan 10-o'ringa tushdi. Reytingni hamon kuni kecha chempionlik kamarini vakant qoldirib, og'ir vaznga o'tgan Jon Jons boshqarmoqda. Xabib Nurmagomedov ikkinchi pog'onadan joy olgan.

P4P reytingi. Top-10

1. Jon Jons

2. Xabib Nurmagomedov

3. Stipe Miochich

4. Israel Adesanya

5. Kamaru Usman

6. Aleksandr Volkanovski

7. Daniel Korme

8. Jastin Getji

9. Dastin Pore

10. Maks Xollouey