Para Osiyo o'yinlari. Ikkinchi kunni yuqori notada boshladik

O'zbekiston terma jamoasining matonatli sportchilari musobaqaning ikkinchi kungi bahslarini sermahsullik bilan boshlashdi. Qandaydir bir soat ichida 3 ta oltin va 3 ta kumush medal qo'lga kiritildi.

Para kanoe bo'yicha erkaklar o'rtasida KL3 klassida hamyurtimiz Hasan Qo'ldoshev 42.258 soniya natija bilan marraga birinchi bo'lib etib keldi va terma jamoamizga bugungi kunning ilk oltin medalini taqdim etdi. 

Para kanoe bo'yicha ayollar o'rtasida KL3 klassida o'tkazilgan bahslarda SHahnoza Mirzaeva 50.680 soniya natija bilan delegaciyamiz hisobiga ikkinchi oltin medalni qo'shib qo'ydi. 

Erkaklar o'rtasida VL3 klassida o'tkazilgan musobaqada esa Haytmurod SHerqo'ziev 49.345 soniya natija bilan navbatdagi oltin medalga ega chiqdi. 

Para engil atletikaning ayollar o'rtasida F13 klassida nayza uloqtirish dasturida ishtirok etgan hamyurtimiz Nozimaxon Qayumova 43.36 metr natija bilan kumush medalni qo'lga kiritdi.

Para engil atletikaning ayollar o'rtasida F56 klassida nayza uloqtirish dasturida yurtimiz sharafini himoya qilgan Nataliya Semyonova 17.40 metr natija bilan kumush medalga sazovor bo'ldi. 

Para engil atletikaning F54 klassida ayollar o'rtasida yadro uloqtirish dasturida qatnashgan Nurxon Qurbonova esa 7.34 metr natija bilan kumush medalni o'ziniki qildi.