Paraosiyo o'yinlari g'olib va sovrindorlariga pul mukofotlari topshiriladi

Ushbu musobaqada O'zbekiston sportchilari 35 oltin, 24 kumush va 18 bronza, jami 77 ta medalni qo'lga kiritib, Vatanimizning xalqaro miqyosdagi shon-shuhratini yanada yuksaltirishga, xalqimizning qudrati va salohiyatini namoyon etishga munosib hissa qo'shdi. O'zbekiston delegaciyasi musobaqada 54 nafar sportchi bilan ishtirok etib, musobaqa tarixidagi eng yaxshi natijasiga erishgan edi.

O'zbekiston Respublikasi Prezidenti SHavkat Mirziyoev 2018 yil 4 dekabr kuni III Paraosiyo o'yinlarida g'olib va sovrindorlar bo'lgan sportchilarimizni pul mukofotlari bilan taqdirlash to'g'risidagi farmoyishni imzoladi.

Unga ko'ra, Paraosiyo o'yinlari oltin medali sohiblari 5000, kumush medal sovrindorlari 3000, bronza medaliga ega chiqqan sportchilarimiz esa 2000 AQSH dollari miqdoridagi mukofot puli bilan birma-bir taqdirlanadilar. Ushbu pul mukofotlari III Paraosiyo o'yinlarida g'olib va sovrindorlarni taqdirlash uchun tashkil etiladigan marosimda o'z egalariga topshiriladi.