Parij-2024 Olimpiadasi ishtirokchisi prof boksdagi bitta jangdan keyin faoliyatini yakunladi

“Ko'p o'ylab ko'rganimdan so'ng, men talim va korporativ dunyoda faoliyatimni davom ettirish uchun qo'lqoplarimni mixga ilib, boksni tark etishga qaror qildim.

Bu sport menga juda ko'p narsalarni berdi — aql bovar qilmaydigan xotiralar, dunyo bo'ylab sayohat qilishda unutilmas tajribalar va dunyoning eng katta sahnalarida o'z mamlakatimni namoyish qilish uchun ko'plab imkoniyatlar. 

Men bu sayohat uchun abadiy minnatdorman. Vaqt o'tishi bilan bir paytlar boksga bo'lgan olov va muhabbatim asta-sekin so'nayotganini anglab etdim. Yoshim ulg'aygani sari, men shaffoflik va halollikni hamma narsadan ustun ko'ra boshladim. Professional bokschi bo'lish mening ishtiyoqimni qaytadan uyg'otadi deb umid qilgandim, lekin haqiqat shundaki, bu sodir bo'lmadi. Har bir jangchi biladiki, cho'qqiga chiqish uchun siz qilayotgan ishingizga chuqur muhabbat qo'yishingiz kerak va busiz oldinga yo'l yo'q. Sportga va o'zimga bo'lgan hurmatim uchun sharaf bilan nafaqaga chiqish vaqti keldi", dedi Ori.

27 yoshli bokschi 2024 yilgi Olimpiya o'yinlarida Buyuk Britaniya terma jamoasi sharafini himoya qilib, musobaqadagi birinchi jangida mag'lub bo'lgandi. Ori shu yil boshida Queensberry Promotions bilan hamkorlikda professional bokschiga aylanib, 5 aprel kuni Manchesterda debyut qilgandi.