13 fev 15:14
Yangiliklar

Dzyudo

Parij shahrida saksonga yaqin davlat dzyudochilarining qo'shma yig'ini davom etmoqda

Xabar berganimizdek, Parij "Katta Dubulg'a" turnirida ishtirok etgan O'zbekiston terma jamoasi o'sha erning o'zida qisqa muddatli o'quv-mashg'ulot yig'inini o'tkazmoqda.

Ushbu yig'inda Parij musobaqasida qatnashgan dunyoning saksonga yaqin mamlakati terma jamoalari ishtirok etyapti. Bugun mashg'ulotlar yakuniga etadi va terma jamoamiz delegaciyasi Germaniyaning Koloni shahriga yo'l oladi.

Eslatib o'tamiz, 21-23 fevral kunlari Germaniyaning Dyusseldorf shahrida hisob bo'yicha yilning ikkinchi "Katta Dubulg'a" turniri bo'lib o'tadi. Musobaqaga tayyorgarlik ertadan Koloni shahrida davom ettiriladi.