Pauerlifting bo'yicha "Tashkent Power" xalqaro turniri o'tkazildi

SHunday bo'lsa-da, federaciya tashabbusi bilan mamlakatimizda muntazzam musobaqalar, milliy chempionat va xalqaro turnirlar o'tkazish ananaga aylangan. Kuni kecha ana shunday musobaqalardan biri poytaxtimizdagi "Anhor Lokomotiv" parkida bo'lib o'tdi.

"Tashkent Power" nomini olgan mazkur turnirda nafaqat yurtimizning iqtidorli sportchilari, balki Qozog'iston, Qirg'iz Respublikasi, Rossiya, Tojikiston va Ukrainadan kelgan 30 nafarga yaqin pauerliftingchilar o'z mahoratlarini sinovdan o'tkazishdi. 

Musobaqa Nizomiga ko'ra, "yotgan xolda shtangani ko'tarish" yo'nalishida -74, -93 va +93 kg vazn toifalarida bellashuvlar bo'lib o'tdi. O'zbekiston pauerlifting federaciyasi raisi Islom Islomovning malum qilishicha, mazkur turnirni har yili ananaviy ravishda tashkil etish rejalashtirilmoqda.

Qizg'in bellashuvlar yakunida g'oliblar nomi ham aniqlandi. Unga ko'ra, 74 kg vazn toifasida 165 kg natija bilan hamyurtimiz Kemran SHirinov g'olibliklikni qo'lga kiritdi. Qirg'izistonlik Bahrom Sobirov ikkinchi, Ukraina vakili Anton Yacevyuk uchinchi o'rinni band etdi.

SHuningdek, o'zbekistonlik Rustam Hamdamovga 93 kg vazn toifasida teng keladigan raqib topilmadi. U 202,5 kg natija qayd etdi va o'z vaznida chempionlikni qo'lga kiritdi. Kumush medal qozog'istonlik Sergey Yudchenkoga nasib etgan bo'lsa, hamyurtimiz Zaur Matiev bronza medali bilan taqdirlandi.

+93 kg vazn toifasidagi bellashuvlar anchayin hayajonli kechdi. Yakunda 225 kg natija bilan yana bir yurtdoshimiz Vladimir Alimjanov oltin medal sohibiga aylandi. Sovrinli o'rinlar qirg'izistonlik Avazbek Xalikov va Xurshid Sobirovlarga nasib etdi.

Musobaqa yakunida g'oliblar qimmatbaho sovrinlar va pul mukofotlari bilan taqdirlandi.

Ilhom RAHMONOV tayyorladi