Pavlyuchenkova Turga qaytish ehtimoli haqida gapirdi

Dubaydagi ko'rgazmali turnirda rossiyalik tennischi may oyidan beri birinchi yakkalik uchrashuvini o'tkazdi va unda Iga Svyontekga 4/6, 3/6 hisobida yutqazib qo'ydi.

"Men birinchi marta jiddiy jarohatdan forig' bo'lib, uzoq tanaffusdan so'ng qaytdim. Faoliyatim davomida hech qachon jarohat olmagandim. To'g'ri, bir necha yil davomida tizzam bilan bog'liq muammolar bo'lgan. Aslida Rimdagi turnirdan keyin mavsumni yakunlashim kerak edi.

O'shandan beri bu juda ko'p vaqt va kuch talab qildi, lekin bu yaxshi, chunki men Turning eng yosh tennischisi emasman. Qaytishni intiqlik bilan kutaman!

Menimcha, hozir ham yaxshi o'ynayman va yanada yaxshilanishim mumkin. Ammo kim biladi, men yarim yildan ko'proq vaqtni o'tkazib yubordim va bu yil faqat uchta turnirda qatnashdim. SHuning uchun hozir o'yinimdan nima kutishni bilmayman. Men haqiqatan ham tennisdan zavqlanishni xohlayman", - deya Pavlyuchenkovaning so'zlaridan iqtibos keltiradi Tennis.com.