Pinchak silat. Yoshlarimiz JCHda 4ta medalga ega bo'lishdi

Yigirmadan ziyod mamlakat sportchilari ishtirok etgan nufuzli musobaqada Aziz Jo'raboev boshchiligidagi yoshlarimiz yakunda bitta oltin, bitta kumush hamda ikkita bronza medalini qo'lga kiritidi.

Bu esa terma jamoamizga yakunda umumjamoa hisobidan kuchli to'rtlikdan joy olish imkonini berdi. Kuni kecha pinchak silat federaciyasida o'tkazilgan taqdirlash marosimida g'olib sportchilarga sertifikatlar topshirildi:

Jahon chempionatida ilk bor ishtirok etishiga qaramay, kizlar o'rtasida  Dilnoza Fayzullaeva barcha raqibalarini mag'lub etib, oltin medal bilan taqdirlandi. SHuningdek, Aziz Fayzullaev kumush, Ibodulla Matlabov, Diyorbek G'oyipov bronza medaliga sazovor bo'ldi.

Endi yoshlar terma jamoamiz azolari 24-29 iyun kunlari Ozarbayjonda o'tkaziladigan jahon Kubogi bahslarida ishtirok etishadi. Kattalar terma jamoasi sportchilari esa sentyabr oyida Vetnamda bo'lib o'tadigan sohil sport turlari bo'yicha Osiyo o'yinlarida yurtimiz sport sharafini himoya qiilshadi.