Pokiston delegaciyasi vakillari SHHT yig'ilishida qatnashish uchun Toshkentga etib kelishdi

Mazkur yig'ilishda ishtirok etish uchun poytaxtimizga SHHTga azo davlatlarning jismoniy tarbiya va sportni rivojlantirishga masul vazirlik va idoralari rahbarlari Toshkentga kelishni boshladi.

Jumladan, bugun erta tongda Pokiston Islom Respublikasi viloyatlararo muvofiqlashtirish vaziri, sport kengashi Prezidenti Exsan ur-Rahman hamda Pokiston viloyatlararo muvofiqlashtirish vazirligi direktori Muhammad Ibrar Xan yurtimizga tashrif buyurishdi.  

Pokiston delegaciyasi vakillarini O'zbekiston Respublikasi sportni rivojlantirish vaziri o'rinbosari Abdulla Aslanov boshchiligidagi masullar kutib olishdi hamda mehmonlarga O'zbekistonga tashrifi uchun minnatdorlik bildirishdi.

Eslatib o'tamiz, mazkur yig'ilishda tashkilotga azo mamlakatlarda jismoniy tarbiya va sportni rivojlantirish uchun qulay shart-sharoitlar yaratishga ko'maklashish, jismoniy tarbiya va sport orqali do'stona aloqalarni mustahkamlash, sportchilarni xalqaro musobaqalardagi munosib ishtiroki uchun rag'batlantirish, Olimpiya harakatini rivojlantirishdagi hamkorlikni mustahkamlash masalalari muhokama qilinadi.

SHuningdek, kelgusi yillarda bo'lib o'tadigan sport musobaqalariga tayyorgarlik ko'rish, ularni yuqori darajada tashkil etish bo'yicha bir qator masalalar yuzasidan muzokaralar bo'lib o'tishi rejalashtirilgan.