Pore Makgregor bilan jang shartini aytdi

"Konor bilan bizning tariximiz bor. Men uni engil vaznda mag'lubiyatga uchratdim, etti yildan keyin men yana ikki marotaba uni mag'lub etdim. Ishonchim komilki, Konor bilan boshqa jang qilmayman. Ortiq buni istamayman. Bu eshik men uchun yopilgan", - amerikalik jangchining so'zlarini keltiradi MMA Fighting.

Biroq, "Brilliant"ning takidlashicha, katta miqdordagi gonorar uning bu boradagi fikrini o'zgartirishi mumkin.

"Buni faqatgina pul uchun qilishim mumkin. Men uni ketma-ket ikki marta yutdim. Buni yanada yaxshiroq qila olamanmi?  Men uni tezroq nokaut qila olamanmi yoki 10-7 hisobida g'alaba qozona olamanmi?  Agar, men yana shunday qilsam, bu faqat pul uchun bo'ladi. Va butunlay boshqacha bo'ladi”.

Eslatib o'tamiz, o'tgan yili Dastin Pore Konor Makgregor ustidan ikki marta g'alaba qozongan edi: yanvar oyida irlandiyalikni ikkinchi raundda nokautga uchratgan va iyun oyida bo'lib o'tgan jangda texnik nokaut bilan g'alaba qozongan edi. SHundan so'ng, "Brilliant" UFC engil vazn toifasida chempionlik kamarini CHarlz Oliveyradan olishga urindi va uchinchi raundda braziliyalik jangchiga imkoniyatni berib qo'ydi.