Pore Maxachevga "otvet" qildi: "Bu sportga sendan ko'ra ko'proq foydam tekkan"

Avvalroq Maxachev keyingi raqibi sifatida garchi shunga munosib bo'lmasa-da, aynan Dastin Poreni ko'rish istagida ekanini malum qilgandi. 

"Bu faqat uning fikri. Men bu ish bilan anchadan beri shug'ullanaman. Islamga qaraganda bizning sport uchun ko'proq foydam tegdi. Bugungi kunda jam shu ishimni davom ettiryapman. Hozir ham o'z vaznimdagi dunyoning istalgan jangchisini mag'lub eta olaman. Umid qilamanki, keyingisi Islam bo'ladi. Bu men yuz foiz xohlayotgan narsa. Men amalga oshirmagan bitta ish qoldi - chempionlik! Faoliyatimda 30 marotaba oktagonga kirdim. Oilamni moliyaviy tomonlama taminlab qo'ydim. O'z biznesimni yo'lga qo'ydim. CHempion bo'lsam, armonim qolmasdi", - deya USA TODAY Sports nashriga intervyu bergan "Brilliant" .  

Ikki hafta avval Dastin Pore ikkinchi raundda franciyalik iqtidor egasi Benua Sen-Denini nokautga uchratgan edi. Benua Dastin bilan jangga qadar beshta nokautli g'alaba bilan kelayotgandi.