Poytaxtimizda 600 nafardan ziyod taekvondo ustalarini bir nuqtada birlashtirgan "Tashkent Summer Camp-2026" yig'ini o'tkazilmoqda

Kechadan boshlangan ushbu yig'in 2 avgust kuni o'z nihoyasiga etadi. Har kungi mashg'ulotlar turli tajribali murabbiylar qo'l ostida o'tkaziladi. Jumladan, kechagi yig'inga Sobir Nazaraliev rahbarlik qildi.

Mazkur yig'inda O'zbekiston, Qozog'iston, Qirg'iziston, Tojikiston, Rossiya, SHveciya, Saudiya Arabistoni, BAA, O'mon va Quvaytdan yig'ilgan jami 600 nafardan ziyod taekvondochilar ishtirok etishmoqda.