Prates Islam Maxachevga qarshi jang rejasini oshkor qildi

"Islam bilan jang qilish har doim juda qiyin. U grepplingda juda yaxshi va uning zarbasi ham ajoyib. O'ylashimcha, dastlabki uch raundda qattiq pressingga duch kelardim. Aksariyat jangchilar u bilan urishganda, uning teykdaunlaridan himoyalanishga harakat qiladi. Lekin men eng muhimi qanday qilib tik turish ustida ishlash deb hisoblayman. SHu bilan birga, unga zarar etkazishda davom etish va jangni muddatidan oldin yakunlashga harakat qilish kerak. CHunki hakamlar qarori bilan ochkolar bo'yicha g'alaba qozonish juda qiyin bo'ladi. Uni mag'lub etishning to'g'ri yo'li nokaut qilishdir. Ammo buni bir zarba bilan hal qilib bo'lmaydi - uni nokautga uchratish uchun butun jangni malum bir tarzda tashkil etish lozim. Va men buni qila olishimga ishonaman", - dedi braziliyalik nokautchi Sidneyda bo'lib o'tgan matubot anjumanida.

Ayni paytda Karlos Prates UFC’ning yarim o'rta vazn toifasi reytingida oltinchi o'rinni egallab turibdi. Uning navbatdagi raqibi esa divizionning sobiq chempioni, o'tgan yilning noyabr oyida aynan Maxachev chempionlik unvonini tortib olgan avstraliyalik Jek Della Maddalena bo'lishi mumkin.