09 iyu 13:35
Yangiliklar

Karate

Premer-liga. Nihoyat, deyarli bir yillik tanaffusdan so'ng OLTIN qo'lga kiritildi

Bugun Xitoyning SHanxay shahrida karate WKF bo'yicha nufuzli Premer-liga musobaqasi yakuniga etadi.

Quvonarlisi, ikki kun avval final yo'llanmasini qo'lga kiritgan hamyurtimiz Dostonbek Otabolaev -75 kg vazn toifasida Premer-liga chempioniga aylandi. U hal qiluvchi final bellashuvida eronlik kuchli raqib Bahman Gonchen Asgarini mag'lubiyatga uchratishga muvaffaq bo'ldi.

Malumot uchun, Otabolaev final yo'lida Yaponiya, Vengriya, Misr va AQSH terma jamoasi vakillaridan ustun kelgan edi. Ushbu g'alaba sabab Otabolaev Tokio Olimpiadasi uchun muhim va qimmatli 900 reyting ochkosini ham qo'lga kiritdi. Karatechilarimiz bu oltin medalni deyarli bir yilga yaqin vaqt kutishdi.