Prezident sovrini uchun o'tkazilayotgan musobaqaning ochilish marosimi bo'lib o'tdi

Tadbirda Xalqaro kurash associaciyasi rahbari Komil Yusupov, jismoniy tarbiya va sport vazirining birinchi o'rinbosari Oybek Qosimov, Buxoro viloyati hokimi O'ktam Barnoev, Xalqaro kurash associaciyasi prezidenti Komil Yusupov, sportchi va murabbiylar, ommaviy axborot vositalari xodimlari va boshqalar ishtirok etishdi.

Ochilish marosimida so'zga chiqqan jismoniy tarbiya va sport vazirining birinchi o'rinbosari Oybek Qosimov turnir ishtirokchilari qutlar ekan, shunday dedi:

“Muhtaram Prezidentimiz tomonidan xalqimizning ko'p yillik qadriyatlaridan biri bo'lgan o'zbek kurashini rivojlantirish, uning jahon miqyosidagi nufuzini oshirishga katta etibor qaratilmoqda. Ilk marota o'tkazilayotgan ushbu turnir ham milliy kurashimiz dovrug'ini dunyoga yanada keng yoyishiga umid qilib qolamiz”- dedi u.

Jismoniy tarbiya va sport vazirligi, Buxoro viloyat hokimligi, Milliy olimpiya qo'mitasi, O'zbekiston Kurash federaciyasi, Xalqaro kurash associaciyasi, O'zbekiston yoshlar ittifoq hamkorligida o'tkazilayotgan turnirga Afg'oniston, Ozarbayjon, Tojikiston, Turkmaniston, Qirg'iziston, Qozog'iston, Gollandiya, Portugaliya, Gonkong, Hindiston, Eron kabi 20 ga yaqin mamlakatlarning eng kuchli polvonlari tashrif buyurishdi.

Bugun, 9 iyun kuni start olgan bellashuvlarda erkaklar 60, 66, 73, 81, 90, 100 kg.gacha va 100 kgdan yuqori vazn toifalarida, ayollar 52, 63 va 78 kg vazn toifalarida g'oliblik uchun gilamga tushishyapti.

Eslatib o'tamiz, musobaqada o'z vazn toifalarida 1-o'rinni qo'lga kiritgan polvonlar 3000 AQSH dollari, 2-o'rin sohiblari 2000 AQSH dollari hamda 3-o'ringa sazovor bo'lgan polvonlar esa 1000 AQSH dollari miqdoridagi pul mukofotlari bilan ham taqdirlanadi.