Prezident sovrini uchun o'tkazilayotgan xalqaro turnirda birinchi kun g'oliblari malum FOTOGALEREYA

XV xalqaro turnirning dastlab tantanali ochilish marosimi tashkil etildi. Marosimda O'zbekiston Respublikasi Bosh vaziri o'rinbosari - Turizm va sport vaziri Aziz Abduhakimov, Xalqaro kurash Associaciyasi prezidenti Haydar Farmon hamda Surxondaryo viloyati hokimi To'ra Bobolovlar tabrik uchun so'zlar ekan, mamlakatimizda Prezidentimiz SHavkat Mirziyoev rahnamoligida jismoniy tarbiya va sportga, xususan, milliy sport turlarimizdan bo'lgan kurashga qaratilayotgan yuksak etibor haqida takidlar ekan, kurashning dunyo bo'ylab keng quloch yozishida ushbu turnirning ahamiyati alohida o'rin tutishi, qolaversa, mamlakatimizda kurash bo'yicha alohida sport maktablarining ochilishi-kurashning yanada rivojlanishiga turtki bo'lishini takidlab,barcha turnir ishtirokchilariga bellashuvlarda omad tilashdi.

SHundan so'ng Mahmud Nomozov, Adham Soliev, Iroda Iskandarova singari el sevgan taniqli xonandalar ishtirokida kuy-qo'shiqlar ko'ngillarga o'zgacha zavq-shavq bag'ishladi.  

Tantanali ochilish marosimi yakunlangach, erkaklar va ayollar o'rtasidagi yarim final va final bahslari bo'lib o'tdi.

Musobaqada erkaklar -81, -90 kg., ayollar esa -48, -57, -63, -70 kg. vazn toifalarida kuch sinashishdi. SHiddatli va murosasiz o'tgan bellashuvlarda qo'ydagi polvonlar kuchli uchlikdan joy olishdi.

Ayollar

48 kg. vazn toifasi:

1. Mohinur Mo'minova (O'zbekiston)

2. Ayzxan Zilkbaeva (Qozog'iston) 

3. Gulhayo Jo'raeva (O'zbekiston)

3. Sarviniso Abdullaeva (O'zbekiston)

57 kg vazn toifasi:

1. Bakit Kussakbaeva (Qozog'iston) 

2. Iroda Mamashoeva (O'zbekiston)

3. Muxlisa Abdumalikova (O'zbekiston)

3. Petras Datrisia (Ruminiya)

63 kg vazn toifasi:

1.Malikaxon Qahhorova (O'zbekiston) 

2. Lniani Snia Maria (Polsha)

3. Oydinaxon Zokirjonova (O'zbekiston)

3. Regina SHatrauskaya (Belarus)

70 kg vazn toifasi:

1. Vladlena Guseva (Rossiya) 

2. SHohista Nazarova (O'zbekiston)

3. Ravzaxon Adasheva (O'zbekiston)

3. Ayala Mereke (Qozog'iston)

Erkaklar

81 kg vazn toifasi:

1. Umar Bozorov (O'zbekiston) 

2. Olamafruz Abdurahmonov (Tojikiston)

3. Umid Esanov (O'zbekiston)

3. Afzali Del Aqa (Afg'oniston)

90 kg vazn toifasi:

1. Aram Grigorian (Rossiya) 

2. Jonibek Qozoqov (O'zbekiston)

3. Jahongir Mamatrahimov (O'zbekiston)

3. Paata Gvinashvili (Gruziya)

Bellashuvlar yakunlangach, taqdirlash marosimi o'tkazildi. SHohsupaga ko'tarilgan birinchi o'rinlar uchun 3 000, ikkinchi o'rinlar uchun 2 000, ikkita uchinchi o'rin sohiblari uchun esa 1 000 AQSH dollaridan taqdim etildi.

Bugun, 11 aprel kuni erkaklar o'rtasida -60, -66, -73 kg hamda mutloq vazn toifasida kuchlilar aniqlansa, ayollar o'rtasida +70 kg vaznda  g'olib va sovrindorlar nomi malum bo'ladi.

Ilhom RAHMONOV tayyorladi (Termiz, Surxondaryo)