Promouter Dillian Uayt - Tayson Fyuri jangi qachon o'tkazilishini aytdi

Superog'ir vaznda WBC chempioni Tayson Fyurining promouteri Frenk Uorren mijozining Dillian Uayt bilan jangiga bog'liq tafsilotlar bilan o'rtoqlashdi.

"Agar bu jang o'tkazilsa, aniq fevralda bo'lmaydi. Bu jangni mart oylarining o'rtasida tashkillashtira olishimizga umid qilamiz.

Bu borada realist bo'lishi kerak va vaqt masalasiga ahamiyat berish kerak. Uayt va Fyuri jangi stadionda o'tkazilishi lozim. Lekin, stadionning tomi yopiq bo'lishi kerak. Yopiq stadion esa faqat Kardiffda bor. SHu sabab ham Kardiff hozirda favorit", - deydi Frenk Uorren.