Provodnikov Pakyao bilan jangning yangi ehtimoliy sanasini aytdi

Ruslan ushbu ko'rgazmali maqomdagi jang shu yilning yozida AQSHda o'tkazilishiga umid qilmoqda, biroq hozircha tashkilotchilar tomonidan bu rasman tasdiqlanmagan. Aslida jang fevral oyida elon qilingan va unga ko'ra, 18 aprel kuni Las-Vegasda bo'lib o'tishi kerak edi. Ammo keyin Pakyao jamoasi sentyabr oyida Floyd Meyvezer bilan revansh jangini elon qildi. 

"Afsuski, jang aprel oyida o'tkazilmaydi, lekin umid qilamanki, u iyun oyida bo'lib o'tadi", - dedi rossiyalik bokschi World Boxing News nashriga bergan intervyusida. — Men chindan ham shunga umid qilaman va bunga ishonaman. Biz hammasini tayyorladik. Ruxsat berishlari bilanoq chamadonlarimni yig'ishtirib, o'z jamoam bilan Amerikaga uchib ketaman.

O'tgan yili professional ringga qaytgan va shuning barobarida 49 yoshli Meyvezerni ham katta boksga qaytarmoqchi bo'lgan 47 yoshli Pakyaodan farqli ravishda Provodnikov faoliyatini davom ettirmaslikka qatiy qaror qilgan.

"Mening faoliyatim allaqachon tugagan. Men boshqa ishga o'tdim va hozir asosiy ustuvorligim - bu oilam!", - dedi Provodnikov. — Boks ortda qoldi. Ko'rgazmali janglar shunchaki tomoshabinlarni xursand qilish uchun o'tkazilishi mumkin, ammo jiddiy ravishda qaytib, faoliyatimni qayta boshlash uchun emas. Har narsaning o'z vaqti bor".